سبايا جروحي طلعن
تلطم الراس
وعليك دموعي خطن
حمر رايات
واظن السما ويايه تلطم
عليك
واباوع بالفلك ماكو
حمامات
شتباوع بالكلب كل ظنك
يهود
ما تلكه بدليلي غير
الاهات
وتظن عيوني بعدك تكدر
تنام
شيطبكه الجفن طيفك بالجفن
بات
وانه ويه الليالي معارك
عليك
تريد انساك لحظه وكلت
هيهات
اذا بعدك علي لوع
الروح
نسيانك اكيد يسوي
لوعات
واذا دمعة جفن عنوان
الفراك
على فراكك حبيبي لبجي
دمعات
اشو كلمن حبيبه كباله
موجود
وانه ويه الاحبه شكد
مسافات
لو بيدي اطير....منين
جنحان
اباوع عالطيور واجر
حسرات
اذا البصره ؟؟بعيده اعله
اليحبون
تظل بغداد دمعه...حبيبي تبوس
خدك عالقطارات
حبيبي تبوس خدك عالقطارات